6 month old baby food

6 Months old baby food recipes [Hindi]

Ham sabhi jante hai 6 months complete karne ke baad baby ko solid start kar dena chahiye. 6 months tak baby sirf milk hi lete hai . 6 months complete hone ke baad hi baby ko pani pilana bhi start kar dena chahiye.

Baby ko solid start karte time  starting me baby ko semi liquid cheeze hi di jati hai. bahot se log baby ko 3 ya 4 month me hi solid start kar dete hai jo ki baby ki sehat ke lie theek nahi hai isse baby ko gas , allergies, colic , aur dusri digestion se related problem ho sakti hai. 

Agar apka baby solid start karne ke lie ready hai toh baby khud hi signal dene lagta hai. jaise ki baby ke head aur neck stable ho jate hai. baby support ke sath ya bina support ke baitne lagta hai.

Jab aap baby ke samne kuch khate hai toh wo bhi khane me interest dikhata hai. jab aapka baby ye sare signal dene lage toh samajh jaiye apka baby solid lene ke lie ready hai.

Aaiye jante hai kuch light aur asani se banne wali baby food recipes

1 – Rice water – 

Rice ko kuch der ke lie pani me bhigo dijie phir ek pan me pani boil kariye aur boil water me rice daal dijie . jab tak rice soft na ho jae tab tak low flame pe pakaiye. aap chahe toh rice boil hote waqt aap upar se pani nikal kar bhi baby ko de sakte hai wo bhi bachho ke lie bahot faedemand hota hai. jab rice boil hokar bilkul soft ho jae toh use ek bowl me nikal kar usme milk ya breast milk daal kar baby ko serve kare. 

2 – Oats  –

Ek pan me water boil kariye . boil water me ek cup oats daal kar cook kariye. jab oats achhe se cook ho jae toh use nikal kar mixer ya grinder me pees lijie. phir ek bowl me nikal kar milk ya breast milk ke sath serve kariye.

3 – Apple puree –

Apple ko peel karke chote chote piece me cut kar le phir usko steam kar le. steam karne se apple ke nutrients barkarar rahte hai . agar apke paas steamer nahi hai toh phir aap apple ko bahot kam pani me boil bhi kar sakte hai . steaming se apple soft ho jaega phir aap apple ko ek grinder me pees le aur baby ko serve kare.

4 – Sweet Potato puree –

Sweet potato yani shakarkand babies ke lie bahot faedemand hoti hai . ise apne baby ki diet chart me zarur shamil kare. sweet potato ko peel karke chote piece me cut kar le aur steam kar le . phir grinder me pees kar ya achhe se mash karke baby ko serve kare.

5 – Dal ka Pani –

Dal ka pani babies ki sehat ke lie bahot achha hota hai. jab bhi aap apne ghar me daal banae usme tadka lagane se pahle uska pani baby ke lie zarur nikal le aur baby ko serve kare. 

6 – Carrot puree –

Carrot yani gajar toh ham jante hi hai ki kitni faedemand hoti hai ise bhi baby ki diet me zarur shamil kare. carrot ko bhi achhe se dho ke steam karke mixer me pees ke baby ko serve kare.

7 – Beetroot puree –

Beetroot yani chukandar ko bhi aap baby ko de sakte hai. iske lie chukandar ko wash karke achhe se peel kar le phir piece me cut karle phir steam karke grinder me paste bana ke baby ko serve kare.

8 – Rice and Moong daal Cereal –

   Aap baby ko homemade rice ya moong daal cereal bhi de sakte hai. ise banane ke lie sabse pahle daal aur chawal ko alag alag thodi der ke lie pani me bhigo de thodi der baad dono ko achhe se wash karke bahot achhe se sukha le aur mixer me sookha pees kar bahot maheen sa powder tayar kar le is powder ko store karke rakh le aur jab bhi baby ko dena ho toh wo powder le aur usme thoda halka garam pani daal kar baby food ready kar le. 


READ ALSO –

How to take care of a newborn

How to bath a newborn

10 Best baby brand in India

 

1 thought on “6 Months old baby food recipes [Hindi]”

  1. Pingback: 6 Best Cloth Diapers In India For Babies [Hindi]

Leave a Comment

Your email address will not be published. Required fields are marked *