endometriosis in hindi

Endometriosis in hindi

periods se pahle agar apko bhi bahot zyada pain hota hai toh apko is baat pe dhyaan dene ki zarurat hai kyuki iski wajah Endometriosis naam ki bimari bhi ho sakti hai. periods ya menstrual cycle se pahle pet ke nichle hisse me hone wale dard ko aksar female seriously nahi leti. jabki ye dard endometriosis ki wajah se bhi ho sakta hai. female me Oestrogen hormone badhne ki wajah se bhi ye dikkat ho sakti hai. iski wajah se pregnancy hone me bhi pareshani ho sakti hai. ek survey ke mutabik lagbhag 25 million indian female is bimari se pareshan hai. beete kuch saalo me mahilaao me khoon ki kami, irregular periods ke sath hi PCOD aur endometriosis ki pareshani badhi hai. ek research ke mutabik 25 se 30 % female me endometriosis ki wajah se pregnancy hone me pareshani hui. kuch dawao aur laproscopic surgery ki madad se endometriosis ke baad bhi conceive kiya ja sakta hai lekin uske lie sahi waqt par treatment karana zaruri hai. 

Endometriosis ka reason kya hai ?

endometriosis ka ek reason hai retrograde menstruation, jisme periods ke waqt blood me endometrial cells aamtaor par body se bahar nahi nikal paati hai. balki ye fallopian tubes se pelvic cavity me wapas jaane lagti hai. ye endometrial cells sabhi pelvic parts par chipak jati hai. aur periods ke time par bleeding shuru kar deti hai. endometriosis ki dusri wajah peritoneal cells ka change hona bhi ho sakta hai. peritoneal cells me changes hone ki wajah se bhi endometriosis hone ke chances rahte hai. isme estrogen jaise hormone starting age me embryo ki cells ko change kar sakte hai.  

Chronic bimari hai Endometriosis

Endometriosis ek chronic bimari hai. jo periods ke sath sath badhti hai. isme pet ke nichle hissse me periods ke aane ke ek ya do hafte pahle se hi pain shuru hone lagta hai. bimari me endometriosis tissue aamtaor par uterus ki internal layer me paae jate hai. pregnancy na hone par ye tissue tootkar periods ke time par uterus ke bahar jamne lagte hai. jiski wajah se periods ke time par dard badhta hai. aur ye kai baar blood ke clots ke tarah bhi bahar nikalte hai.

Treatment hai zaruri

Laproscopy surgery ke zariye safe tareeke se uterus ke paas jame extra tissue ko hataya jata hai. jo dawao se zyada safe hai. laproscopy ki madad se tissue ki extra layer ko hata diya jata hai. jisse dard kam ho jata hai aur female conceive kar sakti hai. regular exercise se bhi estrogen hormone ka level kam kiya ja sakta hai. iske sath hi caffene kam lena chahiye. caffene se body me estrogen level badhta hai. 

40 Minute exercise 

Regular 40 minutes tak exercise zarur karna chaiye. aur diet me fiber aur protiene zarur shamil karna chahiye. isse estrogen level ko control kar sakte hai. aur hame kabhi bhi bina wajah steroids ka use nahi karna chahiye , kyuki inse hormones imbalance ho jate hai. aur baad me pregnancy me dikkat hoti hai.aur infertility ho sakti hai. regular exercise hame sabhi tarah ki bimariyo se bachne me madad karti hai.

 

Leave a Comment

Your email address will not be published. Required fields are marked *