female hygiene tips

Female hygiene tips

Aap dikhti toh fresh hai lekin kya andar se bhi utni hi fresh hai?  healthy life jeene ke lie hamare private parts ka bhi healthy rahna behad zaruri hai. hamara culture bhale hi kitna modern ho gaya ho lekin sex aur private parts ko lekar khulkar baat karne se zyadatar log bachte hai aur ise bura bhi mana jata hai. lekin hygiene se related kuch baate aisi hai jo sabko pata hona zaruri hota hai. kai baar knowledge ki kami se female inhe andekha kar deti hai , jo baad me badi pareshani ban jati hai. aiye jaante hai Female hygiene se judi kuch zaruri baate – 

Geelepan aur paseene se ho sakta hai infection

Female me lagatar thoda white discharge hone ki wajah se zyadatar unki panti halki geeli hi rahti hai. aur aksar wo toilet jaane ke baad apne private parts ki safai nahi karti. aise me zyada time tak geela rahne ki wajah se us part me bacteria badhne lagte hai , jiski wajah se waha se badbu aane lagti hai. aur infection ki wajah se jalan aur khujli hone lagti hai. jab bhi toilet jaae toh apne private parts ko paani se dhokar theek tarah se saaf kare aur tissue paper se pochkar us hisse ko sookha aur saaf rakkhe. 

Sanitary napkins ka sahi dhang se kare use – 

Periods ke time par aksar female ek sanitary pad pura – pura din ya puri raat tak laga kar rakhti hai. zyada der tak ek pad ka use karne se skin par rashes ho jate hai. aur badbu bhi aane lagti hai. itna hi nahi , aise me infection ka khatra kai guna badh jata hai. islie periods ke time par har 5 se 7 ghante me pad change zarur kare.

Inner wear na ho zyada tight 

Sabhi age group ki female ko inner wear khareedte time synthetic kapda lene se bachna chahiye. aur inner wear zyada tight nahi hona chahiye , kyuki synthetic ya tight kapdo me hawa nahi guzar paati hai. aur bahot jaldi paseena aane lagta hai. aise me bacteria ko panapne ka maoka mil jata hai. jiski wajah se un hisso me infection ho sakta hai. 

PH- level bana rahna zaruri 

female ke lower part me naturally ek ph level bana rahta hai. yaani waha zaruri temprature aur nami barkaraar rahti hai. private part ka temprature 37*C  tak hota hai. lekin hard sabun ya chemical cleanser ka use karne se ye temprature bigad sakta hai. isse apko lagatar jalan, khujli, aur infection reh sakta hai. islie normal temprature ko barkaraar rakhne ke lie zaruri hai ki aap iski safai ke lie halka sabun aur saaf paani ka use kare. agar aapko bahot zyada badbu ya jalan mahsoos ho turant doctor se consult kare. 

Hamesha saaf rahe 

Jis tarah aap apne body ke dusre parts se anchahe baalo ki safai karti hai, usi tarah private parts ki bhi regular safai aur triming kare. dhyan rakkhe, wahan razor ya waxing na kare, isse apko infection ho sakta hai. 

Sex ke baad safai hai zaruri 

Sex ke baad private part ki safai behad zaruri hai kyuki sperm aur condom me use hone wale lubricant ki wajah se infection ho sakta hai. islie sex ke baad halke sabun aur saaf paani se safai zarur kare. 

Telcum powder se rakkhe dry 

Telcum powder , private parts ko dry rakhne me madadgaar sabit hota hai. iske koi side effect bhi nahi hote. islie har roz nahane ke baad telcum powder lagane ki adad daale. aisa karne se aap ghanto tak saaf aur sookha mahsoos karengi. 

Chemical ke use se bache 

Kuch female sex ke baad sperm ko maarne ke lie chemical ko kapde me daalkar internal part ki safai karti hai. jisse theek se safai ho jaae aur sperm inactive ho jaae. lekin aisa karne se waha ka ph level imbalance ho jata hai. aur infection ka khatra badh jata hai. islie aisa karne se bache .aur safai ke lie saaf paani ka hi use kare.

Scrub ka use na kare 

Hamesha band rahne ki wajah se private parts ka color thoda dark ho jata hai . aise me kuch female kai baar waha safai ke lie scrub ka use karti hai. kyuki ye part bahot sensitive hota hai islie thoda bhi ragadne se yaha rashes ho jate hai. islie private parts ki safai ke lie hamesha soft products ka use kare.

colorful discharge normal nahi  

private part ki safety ke lie ye janna zaruri hai ki jo discharge ho raha hai wo normal hai ya nahi. zyadatar female ko white color ka discharge hota hai. agar wo discharge yellow ya green color ka ho toh ye normal nahi hai. ya inner wear se bahot zyada badbu aae toh apko doctor se zarur salah leni chahiye. kyuki ye badi pareshani ho sakti hai. 

Khane se bhi juda hai hygiene  

Agar aapke private part se bahot zyada hi badbu a rahi hai toh , masaledaar khana, sharaab, lehsun, pyaaz, gobhi, patta gobhi, red meet, dairy product, aur brokli kam khaae.  inki jagah pine apple, angoor, santra, kheera aur dhaniya patti jaise cheezo ko khane me shamil kare. dher sara paani piye. aap jitna zyada liqiid lengi , body se toxin utna hi zyada baahar niklenge. agar zyada paani nahi pi sakti toh green tea piye. green tea badbu ko kam karti hai. 

 

Leave a Comment

Your email address will not be published. Required fields are marked *