flu in pregnancy

Flu in pregnancy

Kahte hai ki flu ka koi ilaaj nahi hai. time ke sath ye khud hi theek ho jata hai. lekin kya apko pata hai ki kabhi kabhi ye bahot hi dangerous bimari paida kar deta hai ?

Flu yani influenza aisa virus hai jo ki maosam ke badalne par active hota hai. flu ek infectious disease hai  jo hamare respiratory system jaise lungs, nose aur throat yani gale par attack karti hai. ye pregnancy me zyada nuksaan pahochati hai. aur gambheer bimariyan paida kar sakti hai. jisse mother aur baby dono ko khatra ho sakta hai. pregnancy ke daoraan females me hone wale hormonal changes ki wajah se bhi ye khatra zyada badh jata hai. pregnant lady ka immune system sirf uske lie hi nahi balki baby ki health ke lie bhi zimmedar hota hai. islie flu se bachane ke lie iski vaccine lagwana pahla aur behad zaruri kaam hota hai.

Kaise phailta hai Flu ?

Flu zyadatar saas ki bundo se infectious person ke khasne , cheekne , ya infectious jagah ko chune se phailta hai. pregnancy ke time par immune system kamzor ho jata hai. jab koi female pregnant hoti hai toh uske immune system ka main maksad uske womb me pal rahe baby ki safety karna hota hai. is wajah se infection ke khilaf uska immune system kamzor pad jata hai. aur  is situation me  bady , infectious disease  ke lie zyada sensitive ho jati hai. flu me tez fever hone par pneumonia bhi ho sakta hai. aise me antibiotic dawao ke sath hospital me admit hone ki zarurat bhi pad sakti hai. sath hi fetus ko bhi harm ho sakta hai. iske alawa isse time se pahle delivery aur baby ka weight bhi kam hone ka khatra badh jata hai. high fever , fetus me hone wale kai tarah ki abnormalty ka reasion ban sakta hai. 

Vaccination hai behad zaruri –

Weather change me hone wale flu se hone wali bimariyo ko rokne ke lie pregnant ladies ko vaccine zarur lagwana chahiye . time se vaccination hona behad zaruri hai. apne hatho ko baar baar achhe se wash karte rahe . kisi patient ya jinme flu related koi symptoms dikhe toh  unse door rahe. pregnancy aur delivery ke baad flu vaccination bilkul safe hai. pregnancy me injection bilkul safe hai jo kisi bhi timahi me diya ja sakta hai. iska faeda ye hai ki body me banne wali antibody se hone wali immunity fetus tak pahochegi. aur born hone ke baad bhi baby ko safe rkkhegi. research se pata chalta hai ki jin babies ko pregnency ke time par hi flu ki vaccine mili hai unme birth ke baad flu hone ka khatra kam hota hai. ye virus se tab tak safe rahte hai jab tak ki unhe 6 month baad flu shot na mil jaae. koshish karni chahiye ki pregnant lady ko ghar me hi flu ki vaccine di jaae. flu vaccine lagne ke baad pregnant ladies ko hospital me admit karne ka khatra 40 % tak kam ho jata hai.  aur respiratory system ka infection hone ka khatra 50% tak kam ho jata hai. 

READ ALSO –

How to bath a newborn baby

 

Leave a Comment

Your email address will not be published. Required fields are marked *