how to bath a newborn

How to Bath a Newborn Baby in Hindi

Apke ghar me ek baby ke aane se dher sari khushiya ati hai. lekin ek newborn baby ki care karna itna bhi asan nahi hota. agar aap experienced hai toh theek hai verna first time me zyada pareshani hoti hai. aur akele ek newborn ki care karna bahot hi mushkil hota hai. islie baby ke sath apko kisi ki help ki zarurat pad sakti hai. 

Newborn baby ko bath dena bhi thoda mushkil kaam hota hai. waise baby ke aane ke baad ye apke routine ka hissa ban jaega. newborn baby ki birth ke baad kuch pediatricians baby ko turant bath dene se mana karte hai. kyuki jab apke baby ki birth hoti hai tb baby ki body ek waxy substance Vernix se cover rahti hai .jo baby ki body ko germs se bachati hai.

Jab aap baby ko hospital se ghar le aate hai tab aap baby ko bath de sakte hai. bus is baat ka dhyan rakkhe ki baby ki Umbilical cord me paani na jaae. agar apko baby ko bath dene me problem ho rahi hai toh jab tak apke baby ki umbilical cord nahi hat jati tab tak aap baby ko Sponge bath de sakte hai. baby ki Umbilical cord 6 se 7 din me apne aap hat jati hai. bas usme cotton se din me do baar sprit lagate rahe.  

Newborn Baby ko Sponge Bath kaise de –

Jab tak apke baby ki Umbilical cord nahi hat ti tab tak aap baby ko sponge bath de sakti hai. iske alawa jab bhi zyada thand ka maosam ho ya baby ko fever ho tab bhi  doctor sponge bath ki hi salah dete hai. baby ko sponge bath dete time ye zarur dhyan rakkhe ki bath ke time zarurat padne wali har cheez apke paas hi rakkhi ho. kyuki bath dete time baby ko akele choor kar nahi ja sakte. 

Newborn Baby ko Sponge bath dene ke lie zaruri saman – 

1 –  Baby Blanket

2 –  Halka Garam pani

3 –  Wash cloth

4 –  Mild baby soap

5 –  Baby towel

6 – Diaper

  • Baby ko sponge bath dene ke lie room ka temprature 23.8 degree C tak rahna chahiye.
  • Baby ke kapde aur diaper utar le aur baby ko ek towel me wrap kar le. 
  • Baby ko kisi Flat surface par soft blanket ke upar lita lijie.
  • Sabse pahle wash cloth ko halke garam pani me dip kar lijie aur baby ke sir aur chehre ko achhe se halke hatho se saaf kar lijie. sir aur face ki safai karte waqt soap ka use na kare toh achha hai. 
  • Iske baad baby ke baki parts ko halka sa baby soap use karke achhe se wash cloth se clean kar le
  • Last me ek baar saaf pani se sponge  kar le. dhyan rakkhe baby ke private parts ki bhi achhe se safai kare . aur last me dry towel se poch le.

How to bath a Newborn in Bathtub – 

Baby ki umbilical cord girne ke bath baby ko achhe se proper bath tub me hi bath dena chahiye. market me kai tarah ke baby bath tub available hai . newborn baby ke lie aap ko bathtub zarur lena chahiye .bath tub me newborn ko bath dena easy rahta hai.

  • Sabse pahle pani ko halka gunguna kar le. newborn ko hamesha halke gungune pani se hi nahlana chahiye . zyada thanda ya zyada garam pani use na kare. 
  • Bath tub me 2 se 3 inch tak pani bhar de. 
  • Baby ke kapde aur diaper hata de aur baby ko bath tub me leta de.
  • Apne ek hath se hamesha baby ke head aur neck ko support dete rahe aur dusre hath se baby par pani daale.
  • Baby ke hair ke lie mild baby shampoo use kare aur face ko halke hatho se ya wash cloth se saaf kar le.
  • Kabhi bhi direct baby ke upar pani na daale apne hath ki hatheli par pani dalte hue baby ko nahlae. 
  • Iske baad mild baby soap ka use kare aur baby ke private parts aur kaan ke peeche ki skin aur hath ki hatheliyo ko achhe se kholkar saaf kar le.
  • Baby ko dhere se utha le aur dry towel me wrap karke achhe se pani poch le. bath ke bad baby ki body par baby lotion zarur lagae.

Newborn baby ko week me 3 baar zarur nahlae. bath se pahle baby ko oil se massage zarur de . massage daily dena chahiye . jis din baby ko bath na dena ho us din massage ke bad baby ko Sponge bath zarur de. 

Leave a Comment

Your email address will not be published. Required fields are marked *