safed baal

Kam Umar me Safed Baalo ki Pareshani

Kam Umar me Safed Baalo ki Pareshani

Safed baal ab dhalti umar ki nishani nahi rahe. ye lifestyle se judi pareshani ban chuke hai. kyu hote hai baal time se pahle safed aur kaise bach sakte hai ham safed balo ki pareshani se aiye jante hai – 

white hairs problemwhite hair problem

Ek waqt tha jab baalo ki safedi se insaan ki umar aur tajurbe ka andaza lagaya jata tha . lekin aaj kal ki lifestyle me 20 se 30 ki age me hi baal safed hona ek aam pareshani ho gai hai. itna hi nahi aajkal bachho me bhi safed baalo ki pareshani hone lagi hai.

Hmare baal Melanin naam ke pigment ki wajah se kaale hote hai. badhti umar ke sath hamari body me ye pigment kam hota chala jata hai. aur hamare baal safed hone lag jate hai. lekin time se pahle melanin ki kami aur baalo ke safed hone ke kai reason ho sakte hai – 

Zaruri Nutrients ki kami

Jab body me proteins, vitamins, aur zaruri minerals ki kami hoti hai to body ko pure nutrients ya poshak tatv nahi mil pate hai . nutrients ki kami ka hmare balo par seedha effect padta hai.  nutrients se bharpoor khane se body me sabhi zaruri hormons ka level sahi tarah se maintain rahta hai. D.H.T naam ka hormone baalo ki sehat ke lie zaruri hai. body me is hormone ki kami se baal girne lagte hai. aur tezi se safed hone lagte hai.

Stress bhi ho sakta hai badi wajah

Young age me balo ke safed hone ka main reason stress hi hai. stress ki wajah se youngsters hi nahi bachho me bhi baalo ka safed hona , baal girna yaha tak ki baldness ki problem tak dekhne ko mil rahi hai .stress ya tanav baalo me hone wali bahot si bimariyo ki badi wajah hai. stress ki wajah se hamara pura hormone system bigad jata hai. jin logo me dar, panic attack, jalan, ghabrahat, jaisi pareshaniya  zyada hoti hai unke baal bhi jaldi safed ho jate hai.

Genetic reason

Zyadatar mamlo me young age me safed baalo ki problem ke lie genetic reason zimmedar hota hai. balo ke safed hone ki pareshani genetic bhi hoti hai. aise me is pareshani ka ilaaj karana mushkil ho jata hai.

Imbalance of Hormones

Kaam ki bhaagdaod ki wajah se hone wale stress ki wajah se male aur females me hormones imbalance ek aam pareshani ban gai hai. hormone asantulan ki wajah se hair fall badhta hai aur baal jaldi safed bhi hone lagte hai.

Iodine ki kami

Body ko iodine jaise nutrients ki bahot zarurat hoti hai. agar khane me iodine ki kami hai toh sir ke aage ki taraf se baal safed hone shuru ho jate hai.

Lambi bimari

Kai baar zyada bimar rahne ki wajah se ek sath bahot sari dawae leni pad jati hai. aise me un dawao ke effect ki wajah se baal girne lagte hai aur safed ho jate hai. iske alawa body me blood ki kami se bhi baal safed hote hai.

Kam umar me safed balo ki pareshani se bachne ke lie kya kare ? 

Kam umar me balo ko safed hone se kuch had tak roka ja sakta hai. zarurat hai toh sirf lifestyle me kuch changes karne ki – 

  • Nutritious food baalo ko andar se healthy banate hai healthy diet le. jisme achhi quality ke protein aur vitamin A, C, E, D, Zinc aur iron jaise nutrients ho.
  • Diet me vitamin B3, B5, B9, aur vitamin E ki quantity ko badhae. iske alawa doodh, badam, palak, brokli, gehu, fish,soyabeen, anda, dahi, hari sabziyon ko apni diet me shamil kare. jab diet maintain hogi tabhi baal healthy honge.
  • Vitamine B3, B5, B9, Aue E, se bharpoor food jaise orange, palak, chicken, fish, brokli, aur soyabeen khane walo ke baal jaldi safed nahi hote. wahi vitamin B6, aur vitamin B-12 wale food khane se body me red blood cells banti hai. jisse sir me oxigen pahochta hai.
  • Busy lifestyle ki wajah se logo ne baalo me massage karna band kar diya hai jo ki baalo ke safed hone ki badi wajah ban gya hai . massage karne se baalo ko zaruri poshan milta hai. aur blood circulation achhe se hota hai. jisse balo ki roots mazboot rahti hai. aur baal kaale aur ghane bane rahte hai.
  • stress se bache aur hamesha khush rahe. kisi tarah ki tension se bache. kisi professional se regular massage le.

READ ALSO –

Damage and Dry skin

Female hygiene tips

Facial cupping kya hai?

BB and CC cream difference 

 

2 thoughts on “Kam Umar me Safed Baalo ki Pareshani”

  1. Pingback: Tips For Hair Loss » GlowYourLife

  2. Pingback: Tips For Hair Coloring In Hindi

Leave a Comment

Your email address will not be published. Required fields are marked *