keto diet in hindi

Keto Diet in Hindi

Keto diet kya weight loss karne ka sahi tareeka hai ? Dietician mante hai ki isme kai khamiya hai. shuruwat me hi dietician ki salah lena behad zaruri hai .

Weight kam karne ke lie aksar log koshishe karte hai aur uske lie alag alag diet plan banate hai. aajkal ketogenic diet bahot charcha me hai. lekin iske bare me dietician ka manna hai ki khane pine ki adato me itna bada badlao agar savdhani se na kiya jae toh sehat par iska bura asar padta hai. 

Kya hai Ketogenic diet –

Keto diet me weight kam karne ke lie kam carbohydrate aur zyada protien wali diet li jati hai. isme 70 -80 % calorie fat, 20 % protien, aur 5 % tak carbohydrate se hasil ki jati hai. diet me carbohydrate ki quantity kam hone se body me ketosis hone lagta hai. ketosis ek natural process hai jo body me food level kam hone par zinda rahne me madad karti hai. . is situation me body ketones banati hai. jo liver me fat ke burn hone se bante hai. keto diet ka aim body ko is ketosis situation me lana hota hai . dhyan de, body ko khane se alag nahi karna hai. apko sirf carbohydrate kam karna hai.

Keto diet ke faede – 

keto diet lene se apki body fat ko energy ke form me use karne lagti hai. sath hi ye weight kam karne me bhi madad karta hai. keto diet se body me fat burn hone lagta hain jisse insulin level bahot kam ho jata hai. keto diet me aap jo fruits lete hai unse blood sugar level kam ho jata hai.  research se pata chalta hai ki kam callorie wali diet ki tulna me ketogenic diet zyada effective hai. iske alawa keto diet brain ki energy ke lie bahot hi achhi hai . jab aap carbohydrate kam quantity me lete hai toh high blood sugar se bach jate hai. ye dono milkar apke dimag ke concentrate power ko badhate hai. 1990 se mirgi naam ki bimari ke ilaaj me ketogenic diet ka succesfully use kiya ja raha hai. keto diet triglycerides aur cholestrole ke level ko badhane me madad karti hai. jo arteries ke lie faedemand hote hai. is diet se apki skin me sudhaar hone lagta hai. pimples me bhi keto diet bahot faeda pahochati hai.

kya hai Expert ki salah – 

Kuch dietician keto diet lene ki salah nahi dete hai. unke according , apko is baat ka ahsaas hona chahiye ki anaaj, fruits ,aur vegetables, nutrients se bharpoor hoti hai . inme vitamins, fibre , aur body k lie behad zaruri nutrients hote hai. ketogenic diet me agar aap carbohydrate nahi lete hai toh zyada quantity me fat aur protien lete hai. jo zyada quantity me tissue ko damage kar denge . iske alawa keto diet se weight dobara badhne ka khatra hamesha bana rahta hai. keto diet se weight loss karne ke baad jab log diet ka khayal nahi rakhte , tab weight phir tezi se badh jata hai. aise me bina kisi nuksaan ke weight kam karne ka tareeka ye hai ki calorie ki quantity ko kisi bhi tarah kam karne  ki jagah diet ki quality par dhyan diya jae.  weight loss karne ke lie diet me sugar aur carbohydrate ko kam kiya jaae aur vegetables , fruits aur whole grains ki quantity ko badha diya jaae.

READ ALSO –

Tips for healthy stomach

Female hygiene tips

 

 

 

 

1 thought on “Keto Diet in Hindi”

  1. Pingback: DUBLAPAN BHI KAR SAKTA HAI APKO PARESHAAN....TIPS FOR WEIGHT GAIN... » GlowYourLife

Leave a Comment

Your email address will not be published. Required fields are marked *