hair oil massage

Kyu Zaruri hai Hair Massage ?

Purane zamane se lekar abhi tak har ladki ko uski maa, dadi, aur nani ek zaruri salah deti a rahi hai ki baalo ko long, thick aur soft and shiny banane ka ek hi tareeka hai  – Oil Massage. home remedies se bhi yahi pata chalta hai ki oil lagane se hair strong, soft and shiny bante hai. lekin sabke hairs ki quality alag alag hoti hai.

Kisi ke hair zyada oily hote hai toh kisi ke dry. aur har jagah ka environment bhi baalo ki sehat par asar dalta hai. aur bahar nikalne se dhoop, dhua aur gandagi ye sab apke baalo ko nuksan pahochate hai. oil massage hamare lie bahot faedemand toh hai lekin kabhi kabhi galat tarah se oil massage karne ki wajah se iske faede ki jagah nuksaan ho jata hai. islie oil massaging se judi kuch baate apko zarur pata honi chahiye.

Kya har problem ka solution hai oil massage ?

Ham ye jante hai ki oil se hair fall kam hota hai aur hair growth me madad milti hai. aur balo ke split ends ko bhi khatam karta hai. lekin reality me in sari problems ki wajah hormonal imbalance ya phir zaruri nutrients me kami hona hai.

Oil sir ki khushki door kar sakta hai lekin rusi theek nahi kar sakta. jo ki bacteria ya fungus ki wajah se hoti hai. islie oil massaging hamesha sir ki scalp pe karni chahiye jisse blood circulation achha ho aur hairs ko achha nutrition milta rahe. 

Kya dher sara oil laga lena sahi hai ?

Reality ye hai ki dher sara oil laga lene se apke baalo ko mazbooti toh nahi milti lekin oil ki chiknai apke baalo par chamakne lagti hai. jaise ki aap jante hi honge jitna zyada oil lagaenge us oil ko nikalne ke lie utna hi zyada shampoo apko use karna padega. aur zyada shampoo lagane se aapke hair aur skin kafi dry ho sakte hai. islie oil kam hi quantity me lagae.

Aur zyadatar log oil ko bahot lambe time ke lie baalo me laga rahne dete hai ye apke baalo ki sehat ke lie bilkul bhi achha nahi hai. zyada der tak oil laga rahne se sir ke pores band ho jate hai aur inme gandgi jama hone lagti hai. islie baalo ko saaf rakhna behad zaruri hai.

Oil ke baad baalo ko tight bandh lena kya sahi hai ? 

Aksar oil massage ke baad ham apne baalo ko bahot tight bandh lete hai. aur hame ghar ke purane logo se yahi  salah milti chali a rahi hai. lekin ye bilkul bhi sahi nahi hai baalo ko tight bandh lene se baal tootne lagte hai . aur khaskar massage ke baad kanghi karke tight bandh lene se baalo ko kafi nuksaan pahochta hai. 

Oil baalo ke lie ek tarah ka conditioner aur sir ke lie moisturizer hai. din ke time oil na lagae chipchipa ho jane ki wajah se sir ki skin me gandagi aur bacteria  jama hone ka khatra rahta hai. islie hamesha oil massage ke adhe ghante baad baalo ko wash kar le. oil ko baalo me na lagakar sir ki scalp me lagae. zor se massage kabhi na kare na hi baalo ko ragde. isse baalo me hair fall badh sakta hai. 

Expert salah dete hai ki hamesha halke garam oil se hi massage kare. garam oil se massage karne se ye sir me andar tak jata hai.  aur kam se kam 10 se 15 minute tak sir ki scalp ki massage kare. aur apne finger tip se achhe se massage kare. agar ho sake toh garam paani se bheege towel ko kuch der ke lie sir par lapet le aur phir shampoo karke hair wash kar le. ye hair massage ka sabse behtar tareeka hai.

READ MORE –

Tips for hair loss

Kam umar me safed baalo ki pareshani

Conditioner your hair at home

 

 

Leave a Comment

Your email address will not be published. Required fields are marked *