Oils for Skin care

Oils for Skin Care

Zyadatar logo ka manna hai ki cosmetic products ke bina sundar dikhna zara mushkil hai. lekin kya aap jante hai ki aap apne cosmetic products me agar kuch speciol oils ko jagah de toh bhi kaafi hoga.yani raashan ke sath hi cosmetics ki bhi kharidari ho jaegi. nariyal, olive oil yani zaitoon ka tel,  badam , sarso aur neem ka tel nature ke diye hue beauty products hai. aiye jante hai oils for skin care .

1 – Nariyal tel ka body scrub –

Coconut oil yani nariyal ke tel me thodi si cheeni milane par ek behatreen natural scrub tyar ho jata hai. ye skin ko soft karne ke sath hi skin ki dead cells ko bhi nikalne me mahir hai. aap isme apni pasand ka koi bhi essence lagakar bhi use kar sakte hai.

2 – Olive oil ko bnaiye makeup remover –

Pani me bhigoi cotton ko olive oil me bhigoe. aur use halke hatho se dabakar extra oil nikal de. ab isse chehre ka makeup saaf kare. agar apne heavy makeup kiya hai toh ise do se teen baar kare. isse aap waterproof makeup tak hata sakti hai. ise bahot halke hatho se kare aur thande pani se chehra dho le. isse blood circulation badhega aur band skin pores khul jaenge.

3 – Under eye cream –

Ankho ke neeche aur aas paas ki soft skin ko extra nutrition ki zarurat hoti hai . almond ya badam ka tel ye kaam bahot achhe se karta hai. ise ek bottle me bharkar fridge me rakh de. aur har roz raat me eyes ke aas paas skin pe lagae .

4 – Almond oil se milega glow –

Aisa mana jata hai ki skin par seedhe oil lagane se skin color dark ho jata hai. lekin sabhi oil aise nhi hote. badam ka tel rang nikhaarta hai . isse circular motion me apne chehre ki tb tk massage kare jab tak ye skin me ouri tarah absorb na ho jae. 

5 – Coconat oil se hogi hath pairo ki dekhbhal –

Coconut ya nariyal ka tel hand and foot cream ka achha option ban sakta hai. ye bahot light hota hai aur skin me asani se absorb ho jata hai. agar apke hath pair bahot zyada dry hai toh aap nariyal ka tel zarur try kare.ye dry aur crack skin me bahot faeda karta hai.

6 – Oil ko banae body lotion –

aap apne body lotion ki jagah olive oil yani zaitoon ke tel ka use kar sakte hai. ise nahane se pahle ya baad me puri body par laga sakte hai. isse skin bilkul newborn baby ki tarah soft ho jati hai.

 

7 – Wrinkles hatane me oil karega madad –

Skin ke wrinkles aur lines se nijat paane ke lie aajkal bazar me anti aging products ki bharmaar hai. almond oil ye kaam bakhubi karta hai. iske lie raat me nahane ke baad badam ke oil ki kuch bonde hath me lekar chehre par laga le. kuch dino tak aisa karne se aging lines kafi kam ho sakti hai.

8 – Daag-dhabbe kare door –

neem ke tel me anti bacterial aur anti fungal properties hoti hai. yhi wajah hai ki iske use se hm asani se dark spot kam kar sakte hai. kyuki ye essential oil hai islie iska seedha use na karke olive ya almond oil ke sath milakar iska use kare.

Organic Oils or Essential Oils –

Bahot se logo ke kitchen me Olive oil, coconut oil, ya sunflower seed oil zarur rahte hai khana banae ke lie . toh kya in khana banane me use hone wale oils ko ham face par use kar sakte hai? toh iska answer hai yes . ye Organic oils apke lie bahot behtar sabit ho sakte hai.  aap regular routine me oils ko shamil zarur kariye. 

Dry Skin ke lie Essential oil –
1 – Lavender –

Lavender ke bahot sare faede apne sune honge lekin kya aap jante hai lavender oil ek multipurpose oil hai jo ki hamari skin ke moisture level balance karne me help karta hai. aur iski anti – inflammatory properties skin ke redness ko kam karti hai aur skin ko hydrate karti hai.

2 – Chamomile – 

Chamomile oil me azulene paya jata hai . jo ki moisture ko badhata hai aur inflammation ko kam karta hai. 

3 – Sandalwood – 

Sandalwood  bhi hamare skin ke moisture ko badhata hai aur inflammation ko kam karta hai.

Oily Skin ke lie Essential oil –
1 – Rosemary  –

Rosemarry oil me anti – inflammatory , stimulating, aur analgesic properties hoti hai. rosemary oil ,oily skin se nikalne wale extra oil aur sebum ko kam karta hai. aur acne ko control karta hai aur skin wrinkles ko kam karta hai.

2 – Geranium – 

Geranium oil me alkaline properties hoti hai , jo ki skin ke extra oil ko balance rakhti hai. aur skin ko hydrate karti hai. 

Sensitive skin ke lie Essential Oil –

Agar apko sensitive skin ki problem hai to aap essential oils ko ek baar zarur try kariye. sensitive skin me kai tarah ki allergies, eczema aur kai pareshani ho sakti hai . sensitive skin ke lie aap ye teen essential oils use kar sakti hai – 

1 – Lavender oil

2 – Frankincense

3 – Sandalwood

Skin Rash ke lie Essential oils –

Kuch essential oils me skin se judi bahot sari pareshani door karne ki ability hoti hai jaise – itchiness, eczema, atopic dermatitis, psoriasis, aur skin rash. skin rash ke lie aap Lavender, cinnamon, aur geranium oil ka use kar sakte hai. iske alawa kuch essential oils me pain – relieving properties bhi hoti hai jaise – 

1 – Peppermint – 

Apne suna hi hoga ki peppermint tea ka use ham sir dard me kar sakte hai. usi tarah peppermint oil skin health me bhi bahot faeda karta hai. peppermint ka natural menthol content , skin ko analgesic effect deta hai. aur skin me thandak pahochata hai.

2 – Eucalyptus –

Eucalyptus oil ko bhi pain relieving oil ki tarah use kiya ja sakta hai. iske sath hi ye itchy pain full skin rashes me bhi aram deta hai.

3 – Wintergreen –

Wintergreen me peppermint se milti julti properties hoti hai. ye painfull skin rashes me soothing agent ki tarah kaam karta hai.

                            

Also read –

 

 

 
 
 

1 thought on “Oils for Skin care”

Leave a Comment