periods kya hai

Periods kya hai? What is Menstruation?

 Periods kya hai ? periods Female me hone wali ek natural process hai. Period shuru hone ka matlab h ki female ki body ab pregnant hone ke first step ko paar kar chuki hai. Iski shuruwat zyadatar girls me 12 se 14 saal ki age me hoti h. Aksar girls pareshan ho jati h kyuki unko iski jaankari nhi hoti .islie unko pahle se iski knowledge dena zaruri hota hai. 

Periods kya hai ? What is period ?

      Periods ko Menstruation bhi kaha jata hai aur hindi me mahawari bhi kaha jata hai. Females ki body  me hormonal changes hone ki wajah se uterus aur internal part se bleeding hoti hai jise periods kahte hai.  Ye kabhi bhi fix age me ni hota. Kisi ko 10 saal m hi ho jata toh kisi ko 15 saal me . Zyadatar ye 9 se 13 saal me shuru ho jata hai. Kisi female ko period kab start hoga ye kai baato par depend karta hai .jaise – girl ka gene structure , khaan paan,  rahne ki jagah etc.  Periods month me ek baar hota hai. Periods shuru hone ka matlab hai puberty.  Puberty ek aisa time hota hai jiska mtlb hai female ke reproductive organ puri tarah developed ho gae hai.

Periods kyu hote hai ? 

         Girls me periods shuru ho jane ka matlab hai unki ovaries ab mature ho gai hai . Unki ovaries me ab eggs banne lage hai . Period  females ko pregnant hone me madad karte hai. Har month Periods ke process shuru hone par dono ovaries me se koi ek ovary , uterus  me egg release karti hai. Jise ovulation kaha jata hai. Iske sath sath body do tarah ke hormone banati hai – Estrogen aur progesterone. Ye hormones uterus ki layer ko thick karte hai taaki pregnancy hone par fertilise egg us layer se judkar nutrition pa sake. Ye layer blood aur mucus ki bani hoti hai.

Jab egg male sperm se milkar fertilise nahi ho pata tab uterus ki layer us egg ke sath blood ki tarah vagina se bahar nikal jati hai. Jise hm periods ya menstrual cycle bhi kahte hai ye process 4 se 6 din tak chalti h jo har month 28 se 35 dino ke baad wapas ati h. 

 

Irregular periods kya hai aur kyu hote hai?

 

What is irregular periods? 

          Ajkal periods ki ye problem bahot normal hoti ja rhi h .har 10 me se 5 female irregular periods se pareshan hai. Irregular periods ka mtlb hai period ka koi time fix na hona jaise –
 
  • Period cycle ka 21 dino se chota ya 35 days se zyada hona
  • Periods me Normal se zyada bleeding hona .eg – menorragia
  • Period cycle ka har baar change ho jana
  • Periods ka 2 ya 3 month tak na hona
  • Do period cycle ke beech me abnormally blood aana.
 

Periods problems 

           Kuch females ko periods  ke dino me kafi pareshaniyo ka samna karna padta hai. Jaise –
 

1 – Heavy pain Kuch females ko periods me heavy pain hota hai. Pet ke neeche hisse me  Cramping feel hoti hai. Kabhi kabhi peeth me bhi dard hota h. Ye pain periods shuru hone ke ek do din pahle se bhi hone lagta hai. Ya pahle hi din se bahot tez hone lagta hai.


2 – Time se pahle periods hona – Time se pahle periods kya hai? ye  Premenstrual  ya PMS period cycle se judi problem hai. PMS periods shuru hone se ek do week pahle start hota hai. Aur period shuru hone par iske symptoms band ho jate hai. In symptoms  me females ko headache,  backache,  stomachache hota hai.

 

3 – Heavy Bleeding –  Heavy bleeding ki problem females ko bahot pareshan karti hai hai isme periods ke time bleeding itni zyada hoti hai ki har ghante pad change karna pad sakta hai.

 

4 – Irregular periods – Irregular Periods kya hai? zyadatar females ke periods ek regular interval ke baad aate hai. Lekin Irregular periods ki problem me ye regular nhi rahte kbhi bahot jaldi jaldi cycle aane lagti hai toh kabhi kabhi bahot zyada zyada dono tk bhi periods nhi ate. Waise toh jab girls me iski shuruwat hoti hai tb periods Irregular hi hote hai lekin time ke sath sath ye regular ho jate hai.

 

5 – Long periods – Waise toh period 3 se 7 din tak chalte hai lekin agar long periods ki problem hoti hai toh females ko 8 se 10 din tak bhi periods ho sakte hai . 

ALSO READ –

PCOS kya hai ?

Infertility kya hai ?

Periods se judi hui bimariya (Menstrual disorders) –
     

PCOS – PCOD ya pcos ajkal females me periods se judi ek aam bimari hai . pcod yani Polycystic ovarian disorder , hormones ki wajah se hone wali problem hai .Jisme ovaries me bahot sare chote chote follicles banne ki wajah se ovaries me regular eggs nhi ban paate hai. Aur eggs na banne ki wajah se periods Irregular ho jate h ya kabhi kabhi puri tarah se ruk jate hai. Ye bimari zyadatar hormones ke imbalance ki wajah se hoti hai.

Isme females ko periods Irregular hone ke sath sath face aur body pe bahot saare baal aane lagte hai aur acne ya muhase ki pareshani ho jati hai.

Pcod me zaruri hai ki iske symptoms ko jaldi se pahchaane aur iska treatment shuru karwae . Healthy lifestyle se aap is bimari ko khatam kar sakti hai.

 

Amenorrhea –

        Amenorrhea yani periods ka na hona. Jab 15, 16 ki age hone ke baad bhi periods nhi aate ya regular aate aate bilkul hi aana band ho jate hai toh is bimari ko Amenorrhea kahte hai. Agar puberty se pahle aur pregnancy me ya menopause ke baad periods na ho toh ye aam baat hai. Lekin iske alawa periods na ho rhe ho toh doctor se zarur consult karna chahiye.

 

Menorragia – 

           Jab periods me Normal se zyada blood nikalne lagta hai  ya periods 7 se zyada din tak chalte hai toh ise Menorragia kahte hai. Aksar young girls ko zyada knowledge na hone ki wajah se thodi si bhi zyada bleeding hone par wo ghabra jati hai ki unko koi bimari hai. Lekin aisa nhi hota islie zaruri h ki wo Menorragia me hone wale symptoms ko pahchane – jaise bahot hi zyada bleeding hona. Har ghante pad badalna ki zarurat hona . 7 dino se zyada periods chalna. Periods me zyada clotting hona. Aur had se zyada pain hona. Menorragia kai reasons se ho sakta hai jaise hormonal imbalance ki wajah se , blood ki koi bimari hona ya phir uterus ya ovaries se related bimari ka hona. Ya lifestyle regular na hona  stress ya phir Thyroid ki wajah se.
 

 

Dysmenorrhoea –

                      Dysmenorrhoea yani bahot zyada dard hona. Dysmenorrhoea hone par females ke pet ke neeche wale hisse me extreme pain hota hai . Ye pain itna zyada hota hai ko seedha khade rahne me bhi pareshani hoti h. Agar apko bhi itna zyada dard rahta hai toh ek baar doctor se zarur consult kare.

What is Menopause – 

Jab koi female 45 se 50 ki age ko pahoch jati hai toh unme periods hona puri tarah se band ho jate h jise Menopause kahte hai . Is age ke baad ovaries , eggs banana band kar deti hai aur uterus ki layer bhi moti hona band ho jati hai iska yahi matlab hota hai ki wo female ab pregnant nhi ho sakti. Menopause hone par ek female ki body me bahot se changes aate hai jaise – hot flushes,  hair loss, neend na ana , mood swings. Menopause ke time par females ko zyada care aur support ki zarurat hoti hai. i hope periods kya hai ? article apko pasand aya hoga.

 

 

                  

Periods

 

 

4 thoughts on “Periods kya hai? What is Menstruation?”

  1. Pingback: Infertility Kya Hai ? What Is Infertility? » Health And Beauty

  2. Pingback: Endometriosis In Hindi » Health And Beauty

  3. Pingback: Diabetes In Pregnancy - Gestational Diabetes In Hindi

  4. Pingback: Tips For Weight Gain In Hindi » GlowYourLife Tips For Weight Gain In Hindi

Leave a Comment

Your email address will not be published. Required fields are marked *