skin care

Skin care In Summer

Skin care In Summer

 Baarish aur garmi ke maosam me umas yani chipchip apki khoobsurti par nazar laga sakti hai. toh aaiye jante hai kaise ham is maosam me bhi apni skin ka khyal rakh sakte hai –

1 –  Pimples ya Muhase – 

 Garmiyo  ke maosam me kya aap bhi muhaso se pareshan hai? ye pareshan girls ho ya boys sabhi ko pareshan karti hai. badhti umas se skin bahot hi dull ho jati hai . lagatar nikalne wala paseena skin ke pores band kar deta hai. jisse muhase , blackheads aur whiteheads ki pareshani ho jati hai.

Treatment – 

Sabse pahle use kar rhe products ko badle. aisa facewash chune jisme salicylic acid ho. skin ko dry hone se bachane ke lie ek din me chehre ko do baar se zyada na dhoe. aur aise products chune jo ki non comedogenic ho ,matlab aise lotion jo ki skin pores ko band na kare. 

 2 – Ghamoriya –

 Barish ke maosam me bahot se logo ki skin par laal daane nikal aate hai. zyadatar peeth aur chest par inhe ghamoriya ya prickly heat kahte hai. band skin pores ghamoriyo ka ek bada reasion hai.

Treatment

 Sabse zaruri hai ki aap apni skin ko sookha rakhe. suti ya cotton ke kapde pahne jo ki skin se nami sokh lete hai aur chipchipa ya paseene wala hone se bachate hai. aur agar aap exercise karte hai toh faoran naha kar kapde badle. antiseptic bodywash use kare isme benzoyl peroxide hota hai. ise din me ek  bar zaroor use kare. agar isse faeda na ho rha ho toh apni dermatologist se consult kre wo apko thande pani ki pattiya aur koi halki dawa bataengi jisse apki skin ko theek hone me madad milegi.

 3 – Skin infection – 

Umas ya humidity ke maosam me skin infection jaise daad ya ring worm aur athlete’s foot bahot se logo ko pareshaan karte hai. is maosam me daad hona aam baat hai. ye gol khujli wale chakatte ke roop me shuru hoti hai, jo ki skin par kahin bhi ho sakti hai. agar time par ilaaj na kiya jaae toh ye phailne lagta hai aur kapde share karne , chune se, yahan tk ki infection waale pool me nahane se bhi ho sakta h. athlete’s foot zyada pareshani wali samasya hai. isme badbu bhi aati hai, ye ek laal ,nam aur khujli wala infection hota hai. ye ungliyo ke beech se shuru hota hai aur dhere dhere pure pair me phail jata hai.ye zyadatar paseene aur nami ke wajah se hoti hai. 

Treatment – 

Is bimari ko asani se theek kiya ja sakta hai. sabse pahle apne pair aur body ko sukha rkhne ki koshish kare. din me do baar nahae aur cotton ke kapde pahne jisse paseena na nikle. zyada paseena ata ho toh powder ka use kare. khali pair na chale. chappal ya sandel hamesha pahen kar hi chale. khule ya aise sandel pahne jisse hawa lagti rahe. paseene wale moze faoran utar de is pareshani ko nazar andaz na kre ise anti fungal dawao se asani se theek kiya ja sakta hai. apne doctor se  consult karke hi dawa le

 4 – Tanning – 

Kya apko lagne laga hai apki skin din ba din kaali hoti ja rhi hai? skin ka glow khatam ho raha hai? ye sun light ki wajah se hai. garmi aur barish ke maosam me log zyada tanning ke shikar hote hai. tanning ki wajah U.V.B aur U.V.A rays hoti hai. jo ki skin cells ko damage karti hai, aur pigmentation ko badhati hai.

Treatment –

 Tanning ka ilaaj aur bachav behad asaan hai. tanning se bachne ke lie koshish kare ki dhoop kabhi bhi seedhe apki skin par na pade. chhata lekar ghar se bahar nikle ya apne ko pura cover karke rakkhe. sabse zaruri hai ki waterproof aur kam se kam 30 SPF wali sunscreen lotion laga kar hi bahar nikle.har 4 se 6 ghante baad lagae. nikalne se kam se kam 10 min pahle lotion laga  le. agar apki skin me zyada tanning a gai h toh aap metabolic peeling aur diamond polishing ka treatment bhi le sakte hai.

skin care
ALSO READ –

3 thoughts on “Skin care In Summer”

  1. Pingback: Makeup : Good Or Bad ? Makeup Effects On Skin » GlowYourLife

  2. Pingback: Tips For Hair Loss In Hindi » GlowYourLife

  3. Pingback: Secrets Of Glowing Skin In Hindi

Leave a Comment

Your email address will not be published. Required fields are marked *