tips for hair coloring

Tips for Hair Coloring in hindi

Baalo ko naya rang dena ab style statement ban gya hai . agar aap bhi apne baalo ko nai rangat me sawarne ka man bana rahe hai toh kuch zaruri tips zarur jaan le – 

1 – Baalo ko color karwane se pahle apko allergy ka dhyan zarur rakhna chahiye kyuki kai baar kuch color ya dye baalo ko nuksaan pahocha sakti hai. aise me agar apko ammonia wali dye suit na kare toh aap protien wali dye bhi use kar sakte hai. apne baalo ko new hair color dene se pahle hair expert ki salah zarur le.

2 – Hair color kai tarah ke hote hai jaise – bargandi , dark brown , red, , gold, chocholoate, cherry brown etc. apne lie hair color chunte waqt apni skin ke color se zarur match kare.

3 – Baalo ko color karwane se 4 se 5 month pahle se baalo me mehndi lagana band kar de. baalo ki 1 month me kam se kam 1 baar deep conditioning zarur kare. aur shampoo ke baad har baar conditioner ka use kare.

4 – Agar aap ghar par apne hair color kar rahi hai toh hamesha zarurat se zyada hair color khareed kar laae kyuki coloring ke time par agar color khatam ho gya toh puri hair coloring kharab ho sakti hai.

5 – kabhi bhi baalo ka color puri tarah badalne ki koshish na kare. agar aap apne baalo ko koi pasandida color dena chahti hai toh usme thoda waqt lagega. is baat ko samjhe. baalo ka color apke pasand ke hisaab se hone me kam se kam 3 se 4 sitting ki zarurat hogi.

6 – agar aap apne hair ka color puri tarah se change karna chah rahe hai means natural color se use 3 shade zyada dark ya light karne ja rahe hai toh pahle us color ka wig pahen kar dekh le. isse aap ye achhe se samajh paenge ki ye color aap par achha dikhega ya nahi.

7 – first time me hamesha expert se hi  hair coloring karae. agar apko kisi type ki allergy ya koi aur hair problem hai toh hair coloring se bache.

8 – Agar aap hair color ke box par dikhae gae color ko dekh kar hair color ke color ka selection kar rhe hai toh hamesha 1 ya 2 shed halka hair color khareede . box par dikhae gae color ke comparison me baalo ka color dye karne ke baad hamesha dark ho jata hai.

9 – Baalo ko color karwane se ek ya do din pahle shampoo na kare . agar baal thode gande honge toh wo hair color ko behtar tarah se sokh paenge aur baalo ko coloring ke baad kisi tarah ki khujli ka dar bhi nahi hoga.

Aajkal logo ke baal sirf kaale ya bhure nahi balki nion aur blaad shed me bhi nazar aate hai. agar apko bhi hair coloring ka shaok hai toh unki care karna bhi zaruri hai . jisse wo zyada time tak colorful rahe. 

Sahi Shampoo chune

Jab baalo ko color kiya jata hai. toh cutical khule hote hai. aise me agar aap 72 ghante se pahle shampoo karte hai toh color jaldi fade hote hai. cutical ko band hone me 72 ghante ka time lagta hai. aise me agar aap 72 ghante baad apne baalo me shampoo karengi toh color zyada dino tak rahega.

Conditioner hai khaas

Hair expert se conditioner ki salah zarur le. aise conditioner aur shampoo ka use kare, jo sulphate free ho. market me kai brand hai lekin expert ki salah zarur le. koshish kare ki jis brand ka color ho usi brand ka shampoo aur conditioner bhi use kare. 

Dry shampoo ka use

Color ko maintain karne ke lie roz shampoo karne se bache. phir bhi agar zaruri hai toh dry shampoo ka use kare jisse color lamba chal sake. market me color hair ke lie dry shampoo available hai jinka use apke lie zyada behtar hoga.

Dhoop aur heet se bache

Nae colored baalo ko dhoop aur heet se bachae. varna color jaldi fed ho sakte hai. bahar jane se pahle baalo ko cotton skarf se zarur dhak le. aur hair dryer aur straightner ka use kam se kam kare. 

Clorine se baalo ko bachaae

Swimming pool ke pani me clorine hota hai. jo color kiye hue baalo ko dry karta hai. sath hi chamak ko khatam karta hai. islie agar swimming pool me jana hai toh swim cap ke sath baalo me conditioner laga le. dhyan rakkhe ki iske baad bina baalo ko dhoe swimming karne jaae. isse baalo ka bachaav hoga . 

Paani ki quality bhi ho sahi 

Shampoo karne me paani ka khaas dhyan rakkhe . zyada garam pani baalo ko nuksan pahochata hai. aur colored baalo me toh pareshani badh jati hai. garam pani ke use se color jaldi fade ho sakta hai. islie baalo me shampoo kare gungune paani se aur conditioner ke baad thande paani se dhoe.

Spa hai zaruri

Baalo ko color karane ke baad expert hair spa ki salah dete hai. kyuki baal rukhe hone lagte hai. expert ki salah par hair spa zarur karae jisse baalo ki chamak aur softness bani rahe.

READ ALSO –

Kam umar me safed balo ki pareshani

Tips for hair loss

 

 

 

 

2 thoughts on “Tips for Hair Coloring in hindi”

  1. Pingback: PCOS Kya Hai ? What Is PCOS » GlowYourLife

  2. Pingback: Conditioner Your Hair At Home » GlowYourLife

Leave a Comment

Your email address will not be published. Required fields are marked *