titness vaccine time

Titness Vaccine Time [Hindi]

Titness Vaccine Time

Titness ek bahot hi serious bimari hai jo ki Bacterium, Clostridium tetani, ke spores ke contact me aane se hoti hai. jo ki mitti, laar , dhool aur khaad me rahte hai. Bacteria body me gahre cut , ghaav ya jalan ke zariye se Nervous system ko affect karta hai.

Titness infection se muscles me bahot zyada dard aur aenthan  hoti hai. khaaskar jabde aur gardan ki muscle me iska asar hota hai islie ise “Lockjaw” ke naam se bhi jana jata hai. 

Waise to sabhi age ke logo ko tetanus ho sakta hai. lekin newborn babies aur unki mothers me ye bahot zyada hone ke chances rahte hai. aur  unme ye zyada serious bhi ho sakta hai.

Jab tetanus pregnancy  ke daoran ya last 6 week ke andar hota hai toh ise ‘Maternal tetanus‘ kahte hai. aur agar ye baby ko uski birth ke 28 days ke andar hota hai toh ise ‘Neonatal tetanus” kaha jata hai

q? encoding=UTF8&ASIN=9357953272&Format= SL160 &ID=AsinImage&MarketPlace=IN&ServiceVersion=20070822&WS=1&tag=eshal04 21ir?t=eshal04 21&l=li2&o=31&a=9357953272

Tetanus se bachne ke lie Tetanus ka Vaccination bahot zaruri hai. iski vaccine ka naam “Tetanus toxoid ” hai. jo ki tetanus toxin ke against active immunity deti hai. iske alawa 4 types ki vaccine hai jo ki tetanus se safe rakhti hai –

  • Diphtheria and tetanus [DT] vaccines
  • Diphtheria, tetanus, and pertussis [DTaP] Vaccines
  • Tetanus and diphtheria [TD] vaccines
  • Tetanus, diphtheria and pertussis [Tdap] vaccines

Titness Vaccine Time in Children 

Newborn babies aur 7 saal se kam age ke bachho ko DTaP or DT vaccine lagti hai. jo ki ek  baar me na lagkar thode thode gap me lagti hai jaise –  

  • Birth se 2 saal ke andar DTaP vaccine ki 4 doses ki ek series.
  • Dosri dose 4 se 6 saal ki age me .
  • Booster  TDaP ,11 se 12 saal ki age me . agar miss ho gya hai toh baad me bhi lagwa sakte hai. 

TDaP lagne ke 10 saal baad jab apka baccha adult ho jaega tab uski TD vaccine ka time hoga.  TD shot tetanus aur diphtheria se protection deta hai.

Titness Vaccine Time in Adults 

Wo adult jinhone kabhi tetanus ka vaccination nahi karaya ya jinko life me kabhi bhi tetanus vaccine nahi lagi unhe TDaP shot lena chahiye aur uske har 10 saal bad TD Booster zarur lagwana chahiye aur jo childhood se tetanus ki vaccine lete a rahe hai wo har 10 saal baad apni vaccine lena na bhule.

Titness Vaccine Time in pregnant Women 

Saari pregnant women ko tetanus ki vaccine zarur lagwani chahiye ye unko aur unke hone wale baby ko tetanus se bachati hai. pregnancy ke second half me TDap vaccine lagai jati hai. bhale hi pregnant women ko pregnancy se pahle ye lag chuki ho tab bhi ise lagwana zaruri kaha jata hai. 

Iske alawa agar aapke bahot serious chot lagi hai ghaav ho gya hai ya bahot zyada jal gae hai toh apko 48 hours ke andar apne doctor se consult karke tetanus ka shot zarur le lena chahiye.  

READ ALSO –

Newborn baby Vaccination schedule in india

How to take care of a newborn

Leave a Comment

Your email address will not be published. Required fields are marked *