pigmentation

Uneven Skin tone yani Pigmentation se hai pareshaan?

khoobsurat, bedaag aur saman rangat wali skin ki khwahish har kisi ko hoti hai par bahot kam logo ki ye khwahish puri ho pati hai. daag dhabbe skin Beauty ko kam kar dete hai. aajkal uneven skin tone Yani pigmentation ki problem bahot normal ho gai hai..

 Pigmentation ke lie kuch tips –

har koi chahta hai ,khoobsurat, mulayam , chamakdaar aur ek jaisi skin tone . par aisa ho nhi pata. uneven skin tone se har koi pareshan rahta hai. aap sochte honge ye pareshani akhir hoti kyu hai? asal me kai choti choti cheze lambe antral me is pareshani ka reasion banti hai. suraj ki UV rays  daag dhabbe ya phir skin ki aur pareshaniya jaise acne ,ye sab skin ko uneven kar deti hai.  is pareshani ko door karne ke lie aap beauty product k alawa kuch gharelu nuskhe bhi try kar sakti hai .ye asar toh dheere dheere karti hai lekin iska koi side effect nhi hota .toh  aiye jante hai kuch home remedies – 

Doodh ko Banae apna dost
doodh ko natural bleaching agent maana jata hai. skin se daag dhabbo ko door karne aur skin ko mulayam banane me ye mahir hai. milk k regular use se aap skin ke daag dhabbo se asani se chutkara pa sakte hai.  doodh tanning ko hata ta hai. aur skin ko glow karne me help karta hai.
                   
Dahi se milegi chamak –
Contents hide

skin me nikhar laane ke lie dahi sabse behtar gharelu nuskha hai. ye skin me shine lata hai aur skin ki dead cells ko hata hai.jaise jaise skin ki dead cells hat ti hai skin tone normal hone lagti hai.

Aloevera se milegi zaruri nami

skin ki zyadatar pareshaniyo ka hal aloevera me chupa hua hai. ye apki skin ko zaruri nami dekar skin ki tone ko ek jaisa karne me madad karta hai. aap chahe toh aloevera wali cream ko bhi regular use kar sakte hai. ya sabse achhe result ke lie aloevera jel se roz apne chehre ki massage bhi kar sakte hai.

santre ka ras dikhaega kamaal –

  apka favourite phal apki skin ko bhi pasand a sakta hai. orange juice apki skin tone me naturaly nikhar lata hai. 2 chammach santre ke ras me chutki bhar haldi powder milakar chehre par lagae aur sookhne ke lie chhod de. ab gungune pani se chehra dho le. regular use se na sirf chehre me nikhar aega balki skin soft bhi ban jaegi.

 

home remedies for pigmentation
 

Baking soda karega skin ko dulaar – 

skin ki dead cells ko natural tareeke se hatane me baking soda ko maharat hasil hai. baking soda aur gulab jal ka paste banae aur ise apne chehre par facepack ki tarah lagae. kuch der lagane ke baad pani se dho le. chehre ki rangat me apko khud fark nazar aane lagega.

Shahed se milegi natural shine

shahed ya honey se apki skin ko wo natural shine mil sakti h jiska khwab aap barso se dekh rahe hai. ye skin se na sirf tanning ko kam karta hai balki rangat ko bhi nikharta hai. shahed nimbu ka ras aur chutki bhar haldi powder ka paste bnae aur chehre par lgae aur 15 min k baad dho le.

 

home remedies for pigmentation

Papeete me hai gazab ka jaadu

papeeta ya papaya vitamin A paane  ka behatreen  zariya hi. pake hue papeete ke kuch tukdo ko ek bowl me dalkar mash kar le aur usme nembu ka ras milakar use chehre par lgae. jab ye sookh jae tb dho le. ye apki skin ko ek bahot hi achhi shine deta hai.

 

READ ALSO – 

HOME REMEDIES FOR GLOWING SKIN IN HINDI

home remedies for pigmentation
Apple Cider Vinegar – 

 Research me pata chalta h ki apple cider vinegar me acetic acid hota hai jo ki pigmentation ko light karta hai. apple cider vinegar ko pani ke sath barabar quantity me mila lijie phir ise apne dark patches par lagakar 2 se 3 min. ke lie rahne dijie. phir halke gungune pani se wash kar lijie . achhe result ke lie din me do bar zarur use kare.

Red Onion – 

Red onion ka use skin scar – lightening cream me bhi kiya jata hai . research se pata chala hai red onion ke upar ki sukhe hue skin , hamari skin ke daag – dhabbo ko bahot achhe se light karti hai. 

Green tea extract –

Green tea extract bhi pigmentation ko light karne ka bahot achha source hai. aap green tea extract ko khareed karke ise direct apni skin pe use kar sakte hai.  green tea bag ko 3 se 5 minute ke lie boil water me dip karke rakhiye. phir tea bag ko water se nikal lijie aur use thanda hone dijie. tea bag ko apne dark patches par lagaiye. fast result dekhne ke lie din me do baar use kare.

Tomato paste –

Tomato me Lycopene paya jata hai. jo hamari skin ko damage se protect karta hai. tomato ko cut kar ke uska juice face par lagae aur 10 min. baad halke gungune pani se wash kar le.

Masoor dal –

Masoor dal face mask , jo ki laal daal se bante hai. pigmentation ke treatment ke lie bahot famous hai. red lentils yani laal masoor daal antioxidants rich hoti hai. jo ki skin ke lie bahot achhe mani jati hai.masoor dal ka mask banane ke lie 50 gram daal ko rat bhar ke lie pani me bhigo kar rakh de. agle din daal ko blender me pees kar fine paste bana le. phir is paste ko apne face par achhe se laga le aur 20 min. tak laga rahne de. phir thande pani se wash kar le.

Skin Pigmentation kyu hota hai ?

Sun damage , skin pigmentation ki sabse badi wajah hai. hamare body ke jo bhi parts sun ke direct contact me aate hai unme pigmentation hone ka khatra badh jata hai. islie kabhi bhi direct sun light me na jaae apni skin ko cover karke hi ghar se bahar nikle. sun damage ke sath sath kuch aur reason ki wajah se bhi skin pigmentation ho sakta hai jaise – 

  1.  Medications
  2.  Pregnancy hormones
  3.  Endocrine diseases
  4.  Melasma
  5.  Insulin Resistance

Sun damage se hone wale pigmentation se bachne ke lie face pe sunscreen zarur lagae . ghar se bahar nikalne ke kam se kam 15 se 20 minutes pahle se sunscreen laga le. isse sunscreen apki skin me achhe se absorb ho jaegi aur apko achhe result milenge.

 

 

 

                                                       

 

 

 

 

4 thoughts on “Uneven Skin tone yani Pigmentation se hai pareshaan?”

  1. Id wish to thank you for that efforts youve got produced in writing this post. Im hoping the exact same very best get the job done from you in the long term too. Actually your inventive writing skills has inspired me to begin my personal BlogEngine weblog now.

  2. Pingback: BB Cream And CC Cream Difference In Hindi » GlowYourLife

Leave a Comment

Your email address will not be published. Required fields are marked *