Worm Infection in Babies [Hindi] | Bachho ke pet me keede hona

Worm yani pet me paae jane wale keede ek tarah ke parasites hote hai jo ki bachho ki intestine me rahte hai aur apke bachhe ki diet se sara nutrition lete rahte hai. worm infection ko Helminth infection bhi kaha jata hai. bachho  ke pet me keede hona bahot normal hai. lekin iska treatment zaruri hai. worm infection kai tarah ke hote hai aur inke symptoms aur treatment bhi alag alag hote hai.

Types of Worm infections –

1 – Tapeworms – 

Tapeworms ko flatworms bhi kahte hai. tapeworms length me 40 feet tak ho sakte hai. inke hooks aur suckers , intestine se attach rahte hai jisse wo bachhe ki diet se nutrition lete rahte hai .aur bachhe ko uski diet ka koi faeda nahi hota hai. zyadatar bachho me tapeworms contaminated food ki wajah se pahochta hai.

2 – Roundworms –

Roundworm infection , Worm Ascaris lumbricoides  ki wajah se hota hai. ye length me 35 cm tak badh sakte hai aur hollow shape ke hote hai. roundworms , saltwater, soil aur fresh water me badhte hai. aur insaano me zyadatar unke paltu janwaro ki wajah se aate hai.

3 – Pinworms or Threadworms –

Pinworms, small size ke patle safed rang ke worm hote hai. jo ki Rectum me rahte hai. ye contaminated food aur drink se bhi phailte hai. aur babies aur bachho me sabse zyada hote hai.

4 – Hookworms

Hookworm infection zyadatar poor sanitation ki wajah se hota hai. aur bachho me contaminated soil yani mitti ki wajah se ho sakta hai. 

Bachho me Worm Infection hone ke Symptoms –

Apke baby me worm infection hua hai ya nahi ye aap khud bhi pata laga sakte hai. bachho me kuch symptoms show hone lagte hai jinhe aap notice kar sakte hai –

  • Zyada badbudaar Potty hona
  • Anus ke aas paas khujli hona
  • Pet dard
  • Thakaan
  • Diarrhoea
  • Weight loss
  • Vomiting
  • Bhookh kam lagna
  • Neend kam aana
  • Joundice
  • Gas
Worm Infection hone ke Reason –

Zyadatar bachho me worm infection , mitti me khelne ya gandi cheeze muh me dalne ki wajah se hota hai. iske alawa kuch aur reason bhi ho sakte hai worm infection ke  – 

  • Infected surface ke contact me aane ki wajah se
  • Infected khana ya pani pine se
  • Saaf safai na rakhne se
  • Kachha ya adhpaka khana khane se
  • Infected person ke contact me aane se
Worm Infection ka Treatment –

Worm Infection ke treatment ke lie zyadatar Pediatricians Anti – Parasitic medicines prescribe karte hai. jaise ki –

1 – Mebendazole –Ye bachho me kai tarah ka worm infection treat karne ke lie sabse achhi medicine mani jati hai.

2 – Pyrantel –Ye bhi worm infection ka safe medication hai.

3 – Albendazole  – Ye 13 se 24 month ke babies ke lie use ki jati hai. 1 saal se chote babies ko ye medicine nahi di jati.

Warning – Worm infection ke lie in dawao ka use apne aap na kare. doctor se consult karne ke baad hi bachho ko medicine de. 

            Immunity Boosting Habbits for Kids

Worm Infection ke lie Home remedies – 

Bachho me worm infection hone ka pata lagne ke baad apko turant doctor se consult karna chahiye. uske sath hi agar aap chahe toh kuch home remedies bhi try kar sakte hai. in home remedies ko puree banakar bachho ko  khana khilane se pahle de –

1 – Kachha Papeeta –  Papeete me papain naam ka enzyme hota hai. jo ki anthelmintic ki tarah kaam karta hai. jo ki intestine me paae jane wale worms ko maarta hai. 

2 – Adrak – Adrak ya ginger ek natural deworming agent hai aur parasitic worms ko khatam karne me bahot effective hoti hai.

3 – Ajwain – Ajwain ya carom seeds  me thymol paya jata hai jo ki intestinal parasites ki growth ko rokta hai. ajwain ko gud ke sath mix karke aap bachhe ko de sakte hai.

4 – Karela – Karela bhi bachho ke pet  ke keede door karne ke lie use kiya ja sakta hai. aap ise shahed aur paani ke sath mix karke bachhe ko de sakte hai. 

5 – Gaajar – Gaajar me vitamin A paya jata hai jo ki bachho ki immunity badhata hai jisse unko intestinal parasites se fight karne me madad milti hai. khali pet gajar khane se pet ke keede kam ho jate hai.

6 – Haldi – Haldi ek tarah ki internal antiseptic hoti hai. jo ki bachho ke pet ke keede door karti hai.

Worm Infection ke Bachho ki Growth par Effects –

Jaisa ki ham jante hi hai worms ek tarah ke parasites hote hai jo ki bachho ki bady me rehkar unka sara nutrition lete rahte hai. jisse bachho ki sehat par bahot asar padta hai jaise ki –

  • 1 – Worm infection ki wajah se bachho me Iron aur Protein ki kami hone lagti hai . jisse bachho me anemia ho sakta hai.
  • 2 – Worm infection ki wajah se bachho me diarrhoea aur pechish yani dysentery ki pareshani bhi ho sakti hai.
  • 3 – Worm infection ki wajah se bachho ko bhookh nahi lagti jisse bachho me nutritional intake kam ho jata hai aur kamzori a jati hai.
  • 4 – Worm infection bachhe ki Physical aur mental health ko effect karta hai. jisse bachha under weight reh sakta hai.
Worm Infection se bachhe ko kaise bachae –

Jab bachhe chalne lagte hai ya crawl karne lagte hai tab bachho me worm infection hone ka khatra badh jata hai kyuki tab wo dhool mitti ya gandgi me padi cheeze utha kar muh me rakhne lagte hai. Kuch baato ka khyal rakh kar ham bachho ko worm infection se bacha sakte hai.  –

  1. Apna ghar saaf rakhiye aur bachhe ke aas paas ki cheezo ki saaf  safai par zyada dhyan dijie.
  2. Bachhe ki nappy time se change kariye. zyada der tak bachhe ko geeli ya potty wali nappy bilkul mat pahnaiye.
  3. Agar bachha bahar se khel kar a raha hai toh uske hath pair wash kariye. aur khana khilane se pahle bachhe ke hath zarur wash kare.
  4. Bachhe ke nails time se kat kare.
  5. Bachhe ko boil ya filter pani hi pilae.
  6. Bachhe ko khilane wala khana achhe se paka hua hona chahiye.
  7. Fruits aur vegetables achhe se saaf karke hi bachhe ko de.
  8. Bachhe ki potty seat saaf rakkhe.
  9. Bachhe ko gande pani ya gandi jagah par na khelne de.

Agar bachhe ka worm infection bahot zyada hi badh jata hai toh doctors kuch tests karwate hai jaise –

1 – Stool Examination

2 – Fingernails Examination

3 – Sticky Tape Test

4 -Cotton Bud Swab

5 – Ultrasound Test

 

Read also – 

Titness Vaccine Time

 

1 thought on “Worm Infection in Babies [Hindi] | Bachho ke pet me keede hona”

Leave a Comment